Vatnstankur er 2.000 l og froðutankur 200 l. Rosenbauer slökkvidæla (NH30) afkastar 3000 l./mín við 10 bar og háþrýstihlið skilar 400 l./mín við 40 bar.
Dælan er búin tveimur sjálfstæðum froðukerfum þannig að hægt er að hafa froðu á háþrýstihliðinni og hreint vatn á lágþrýstihliðinni eða froðu í báðum samtímis. Sjálfvirkt sog.
Bifreiðin er búin tveimur háþrýstikeflum rafdrifnum með 70 m. af 1" háþrýstislöngum og Rosenbauer Ne-Pi-Ro háþrýstibyssum.
Ýmsar innréttingar þ.e. útdraganlegir pallar eða sleðabúnaður er fyrir ýmsan búnað eins og brunaslöngur, reykköfunartæki, rafstöð og lausa slökkvidælu. Raufoss 10 m. þrískiptur brunastigi og sogbarkar á þaki.
Tengingar fyrir talstöð og síma. Bifreiðin tekur fimm manns. Orkuhlutfall þessarar bifreiðar er rúm 28 hestöfl á hvert tonn og lestun 85% af heildarþyngd.
Slökkvilið Ísafjarðar kom síðan fyrir ýmsum nýlegum búnaði eins og Holmatro björgunatækjum og klippum, lausri slökkvidælu ofl.
